गैंडाकोट ७ मा ज्येष्ठ नागरिकका लागी स्वास्थ्य सचेतनामूलक अन्तरक्रिया कार्यक्रम 

नवलपरासीपूर्व । ज्येष्ठ नागरिकको सम्मान, सभ्यताको पहिचान भन्ने अभिप्रायका साथ गैंडाकोटमा बिहिबार अबको आवश्यकता नसर्ने रोगमा योग एवं प्राकृतिक चिकित्सा विषयमा एक दिने स्वास्थ्य  सचेतना अन्तरक्रिया कार्यक्रम गरिएको छ ।  

गैंडाकोट ७ स्थित हरिहर मन्दिरको सत्सङत सभाहलमा ज्येष्ठ नागरिक नगर सङघको आयोजना तथा गंैडाकोट नगरपालिकाकोे आर्थिक सहयोगमा उक्त कार्यक्रम गरिएको हो ।

कार्यक्रममा सामुदायिक प्राकृतिक चिकित्सालय रजहरका डाक्टर आजाद पुरीले उपस्थित ज्येष्ठ नागरिकहरुलाई प्राकृतिक चिकित्साको बारेमा जानकारी दिनुभयो ।

गैँडाकोट नगरउपप्रमुख शान्ति कोइरालाले ज्येष्ठ नागरिक राष्ट्रका साक्षात देवता भएको हुँदा उहाँहरुलाई सम्मान गर्नुपर्ने र नगरपालिका सदैव उहाँहरुकै साथमा रहेको बताउनुभयो । 

कार्यक्रममा गैडाकोट ७ का वडा अध्यक्ष होमनाथ सापकोटाले ज्येष्ठ नागरिकहरुलाई स्वस्थ आहार, हल्का योग अभ्यास, प्राकृतिक चिकित्सा पद्धतिको प्रयोग र नियमित स्वास्थ्य परीक्षणमा जोड दिन आग्रह गर्नुभयो ।

राष्ट्रिय महासंघ प्रतिनिधि तथा ज्येष्ठ नागरिक नगर सङ्घका अध्यक्ष मुक्तिनाथ न्यौपानेले स्वागत मन्तव्य राख्नुभएको कार्यक्रममा जेष्ठ नागरिक वडासघ वडा नं ७ का अध्यक्ष जयप्रकाश सापकोटाको अध्यक्षता रहेको थियो ।

कार्यक्रममा ९० वर्ष माथिका जेष्ठ नागरिकहरुलाई सम्मान गरिएको छ । सचेतनामूलक अन्तरक्रिया कार्यक्रमलाई आवश्यकता अनुसार सबै वडामा पु¥याइने सोच बनाइएको ज्येष्ठ नागरिक नगर सङ्घका अध्यक्ष मुक्तिनाथ न्यौपानेले बताउनुभएको छ । 

नारायणी माविका अध्यक्ष इश्वरीप्रसाद चापागाईं, महिला बालबालिका शाखाका सिता लामिछाने, नरमाया राना, युवराज पोखरेल, जीवनाथ कंडेलले शुभकामना मन्तव्य व्यक्त गर्नुभएको थियो ।

कार्यक्रमको सहजीकरण जेष्ठ नागरिक वडा संघका सचिव नारायण पौडेलले गर्नुभएको थियो । यस्तै ज्येष्ठ नागरिक नगर सङ्घले भोली शुक्रबार विहान ११ बजेबाट गैँडाकोट ९ को वडा कार्यालयको सभाहलमा सचेतना कार्यक्रम आयोजना गर्दैछ ।