न्यायिक समितिद्धारा गैंडाकोट ३ का  वडाबासीहरुलाई न्यायिक सचेतना प्रदान 

गैंडाकोट । गैंडाकोट नगरपालिकाको न्यायिक समितिको आयोजनामा आज गैंडाकोट वडा नम्बर ३ मा न्यायिक सचेतना प्रदान गरिएको छ । गैँडाकोट ३ वडा कार्यालयको सभाहलमा भएको कार्यक्रममा गैंडाकोट नगरपालिकाका अधिवक्ता न्यायिक सहजकर्ता खिलनाथ घिमिरे र न्यायिक समिती सचिवालयको कर्मचारी तारा उपाध्यायले गैंडाकोट वडा नम्बर ३ का टोलबासीहरु एवम् महिला समुहका अध्यक्ष एवम् प्रतिनिधीहरुलाई न्यायिक समितीको क्षेत्राधिकार, मुलुकी तथा देवानी सम्बन्धी र मेलमिलापको अवधारणा र प्रक्रियाकाको बारेमा प्रशिक्षण दिनु भएको थियो ।
कार्यक्रममा न्यायिक समिति संयोजक एवं उपप्रमुख शान्ति कोइरालाले समाजमा कानुनी साक्षरता नागरिकमा प्रदान गर्ने हुनाले पनि महत्वपूर्ण रहेको बताउनुभयो । समस्या समाधानमा ध्यान दिएर अगाडी बढ्नुपनेृ बताउँदै उहाँले वडा वडामा गरिएको सचेतना कार्यक्रमप्रतिको नागरिकको सकारात्मक प्रतिक्रियाले गरेका कार्यक्रमहरु सफल भएको देखिएको पनि बताउनुभयो ।
गैँडाकोट वडा नम्बर ३ का कार्यबाहक वडाध्यक्ष शिवकान्त तिवारीले घरेलु हिंसादेखि न्यायिक, कानुनी कुराको बारेमा वडावासीले सहज रुपमा न्यायिक सचेतना मार्फत जानकारी पाउँदा राम्रो लागेको बताउनुभयो । गाउँघरमा भइरहेका कुरा र मेलमिलापका बारेमा जानकारीले नागरिकलाई सहज हुने बताउनुभयो । 
न्यायीक समिति सदस्य सदस्य एब जनप्रतिनिधि द्रोण वन सन्यासीले गैँडाकोटका १५ स्थानमा सचेतना कार्यक्रम गरिएको र ५ नम्बर वडाबाट सुरु भएको कार्यक्रम ३ नम्बर वडामा समापन गरिएको पनि जानकारी दिनुभएको छ । 
न्यायीक समिति सदस्य गीता पौडेलले स्वागत मन्तव्य राख्नुभएको कार्यक्रममा न्यायिक समिती सचिवालयको कर्मचारी तारा उपाध्यायले सहजीकरण गर्नुभएको थियो ।