अन्तरपालिका राष्ट्रिय कराँते प्रतियोगितामा गैंडाकोटका १० खेलाडी प्रथम

चितवन । भरतपुर भ्रमण वर्षको वार्षिकोत्सवको अवसरमा भएको अन्तरपालिका राष्ट्रिय कराँते प्रतियोगिता गैँडाकोटका १० जना खेलाडीहरु प्रथम स्थान हासिल गरेका थिए । सो प्रतियोगितामा ६ जनाले द्धितिय स्थान र बाँकी खेलाडीले तेस्रो स्थान हासिल गरेको गैंडाकोट नगर खेलकुद विकास समिती सदस्य तथा नेपाल कराँते महासंघ नगर अध्यक्ष राजकुमार कुमालले जानकारी दिनुभयो । 
कार्यक्रममा विभिन्न पाकिाकाबाट खेलाडीहरु सहभागी भएका थिए । कार्यक्रममा गैंडाकोट नगरपालिकाबाट गैंडाकोट नगर खेलकुद विकास समिती सदस्य तथा नेपाल कराँते महासंघ नगर अध्यक्ष राजकुमार कुमालको नेतृत्वमा कोच किरण महत्तोको टिमबाट ३२ जना खेलाडीहरु सहभागी भएका थिए । 
गैंडाकोट नगरपालिकालाई कार्यक्रममा सहभागीताका लागी चिठी आएको र खेलाडी र म्यानेजर कोचको खर्चमा कार्यक्रममा सहभागी भएको  कुमालले बताउनुभयो ।   
भरतपुर महानगरपालिकाको आयोजनामा भएको कराँते प्रतियोगिता अन्नपुर्ण माध्यामिक विद्यालयमा शुक्रबार र शनिबार गरी दुई दिनसम्म भएको थियो ।