नेराशको स्वर्णमहोत्सवमा भोली रक्तदानको आयोजना ।

नेपाल राष्ट्रिय शमसेर आदर्श माध्यमिक विद्यालय गैँडाकोट १ को स्वर्ण महोत्सवको अवसरमा विद्यालयले विभिन्न कार्यक्रमको आयोजना गरिरहेको छ । शुक्रबार विद्यालयले रक्तदान कार्यक्रमको आयोजना गरेको विद्यालयका प्रधानाध्यापक इन्द्रराज भट्राईले जानकारी दिनुभयो । गैँडाकोट रेडक्रस आदर्श उपशाखाको सहकार्यमा विद्यालयको ५० औँ वार्षिकोत्सव तथा स्वर्णमहोत्सव २०८१ को शुभ अवसरमा शुक्रबार विहान साढे ८ बजेबाट विद्यालय परिसरमा रक्तदान कार्यक्रम हुने विद्यालयले जनाएको छ । शुक्रबार नै अभिभावक मैत्रीपूर्ण खेलको आयोजना गरिएको छ । पौष १३ गते ज्येष्ठ नागरिक सम्मान कार्यक्रम, पौष १४ गते समितिहरु र शिक्षकहरुको सामुहिक छलफल कार्यक्रमको आयोजना गरिएको छ । पौष १६ गते  स्वर्ण महोत्सव सामारोह हुनेछ ।