कोटेश्वर मन्दिरको नयाँ कार्यसमिती गठन ।

गैंडाकोट ४ मा रहेको कोटेश्वर मन्दिरमा नयाँ धार्मिक कार्यसमिती गठन भएको छ । पौष ६ गते विभिन्न धार्मिक व्यक्तिहरुको सहभागीतामा कोटेश्वर मन्दिरमा नयाँ समिति गठन भएको हो । गुरु लक्षिशरण घिमिरेबाट धार्मिक प्रवचन समेत गरिएको थियो । कार्यक्रममा मन्दिरका कोषाध्यक्ष नारायण प्रसाद पोखरेलले प्रतिवेदन प्रस्तुत गर्नुभएको थियो । ६ गते भएको नवनिर्वाचितहरुमा अध्यक्षमा संगिता पण्डित, उपाध्यक्षमा मञ्जुदेवी रेग्मी, सचिवमा कविता सुवेदी, कोषाध्यक्षमा उमा पाण्डे, सह सचिवमा शिवकला काप्री चयन हुनुभएको छ । त्यस्तै सदस्यमा मिस कार्की, कविता तिवारी, ज्ञानु चापागाई, ओमनाथ पोखरेल, देवनाथ घिमिरे, हिरा थापा, पार्वती नेपाल, लक्ष्मी आचार्य गरी १३ समितीहरु चयन गरिएको छ । नेपाल हिन्दु परिषद गैंडाकोट नगर पालिकाका अध्यक्ष चिरञ्जीवी पोखरेलको अध्यक्षतामा भएको उक्त कार्यक्रममा प्रमुख अतिथी जिल्ला उपाध्यक्ष भवानी शंकर सापकोटा, मन्दिरका अध्यक्ष कृष्ण प्रसाद पराजुली लगायतको उपस्थिती रहेको थियो । कार्यक्रमको सहजीकरण भने सचिव लिलाधर पोखरेलले गर्नुभएको थियो।