गैँडाकोटमा नापतौल संग सम्बन्धीत उपकरणहरुको परिक्षण र प्रमाणीकरण सम्पन्न ।

३ दिनसम्म सञ्चालन भएको गैँडाकोट नगरभित्रका व्यवसायीले प्रयोग गरिरहेका नापतौलसंग सम्बन्धीत उपकरणहरुको परिक्षण र प्रमाणीकरण आज सम्पन्न भएको छ । जिल्ला उद्योग बाणिज्य संघ गैँडाकोट र नापतौल तथा गुणस्तर कार्यालय बुटवलको सहकार्यमा गैँडाकोट र हर्कपुर भरिका व्यवसायीले प्रयोग गरिरहेका नापतौलसंग सम्बन्धीत उपकरणहरुको परिक्षण एवं प्रमाणिकरण कार्यक्रम सम्पन्न भएको  कार्यक्रम संयोजक राजेन्द्र गौतमले बताउनुभयो । ३ दिनसम्म सञ्चालन भएको कार्यक्रम सोमबार र मंगलबार नगरपालिका परिसरमा र बुधबार हर्कपुरमा भएको थियो । उक्त कार्यक्रममा पाँच सयभन्दा बढि डिजिटल काटाहरु र ढक तराजुहरुको परिक्षण र प्रमाणिकरण गरिएको समेत कार्यक्रम संयोजक राजेन्द्र गौतमले जानकारी दिनुभयो ।