सुनसरी र चितवनबाट १ सय २६ केजी गाँजासहित दुईजना पक्राउ ।

सुनसरी र चितवनबाट करिब १ सय २६ केजी गाँजासहित २ जना पक्राउ परेका छन् । प्रहरीका अनुसार सुनसरीको धरान उपमहानगरपालिका–१७ बाट १ सय २३ किलो ३ सय ९० ग्रामसहित एक जना र चितवनको रत्ननगर नगरपालिका–१० निपनी चोकबाट २ किलो ८ सय ६४ ग्रामसहित एक जना पक्राउ परेका हुन् । पक्राउ पर्नेमा धरान उपमहानगरपालिका–१७ बस्ने ३१ वर्षीय धन बहादुर भण्डारी र रत्ननगर–१० बस्ने ४६ वर्षीय सरद लम्साल रहेका छन् । भण्डारीलाई प्रदेश १–०२–००२ ह १६५५ नम्बरको अटोलाई जाँच गर्ने क्रममा प्रहरीले गाँजासहित पक्राउ गरेको हो । त्यस्तै, लम्साललाई रत्ननगर टाँडीबाट पक्राउ गरिएको हो । यस विषयमा थप अनुसन्धान भइरहेको प्रहरीले जनाएको छ ।