राष्ट्रिय जनमोर्चा गैंडाकोटले पार्टीलाई योगदान पुर्याएका सदस्यलाई सम्मान गर्यो 

गैँडाकोट । राष्ट्रिय जनमोर्चा गैंडाकोट नगर समितिले अन्य जिल्ला तथा प्रवासबाट आएका पाटी सदस्य तथा समर्थकहरूको स्वागत एवं परिचयात्मक कार्यक्रम गरेको छ। “गणतन्त्र र राष्ट्रियताको रक्षा गरौ, संघीयताको खारेज गरौ” भन्ने नाराका साथ शनिबार  गैंडाकोटमा संगठनमा धेरै लामो समयदेखि सहयोग गरेर, योगदान दिएका सदस्यलाई सम्मान पनि गरिएको थियो। पार्टीमा योगदान पुर्याएका मध्ये २७ जना सम्मानीत भएका थिए । 

कार्यक्रमका राष्ट्रिय जनमोर्चाका केन्द्रीय सदस्य दीपक पाँण्डेले हामी राजनीतिक रुपमा र सामाजिक रुपमा  जनतासँग जोडिँदै सम्पूर्ण श्रमजीवीहरुलाई हाम्रो पक्षमा आबद्ध गर्ने एउटा अभियान सहित अगाडि बढ्नु पर्ने बताउनु भयो । संगठनको विधि र प्रक्रियाको आधारमा चल्नुपर्छ भन्ने मान्यता राख्ने पार्टीका कार्यकर्ताहरुले गर्दाखेरि निकट भविष्यमा पनि पाटी बिचलित नचई अगाडि जाने बताउनु भयो ।

राष्ट्रिय जनमोर्चा पार्टी जिल्ला नवलपुरका प्रवक्ता चन्द्र सापकोटाले राष्ट्र र जनताको हितमा लाग्ने पार्टी भनेको नेकपा मसाल अथवा राष्ट्रिय जनमोर्चा मात्रै भएको बताउनुभयो।  तपाईं हामी सबै मिलेर एकजुट भएर राष्ट्र र जनताको हितमा लाग्ने बेला आएको छ सापकोटाले भन्नुभयो ।

 विभिन्न ठाउँहरूबाट बसाई सराई गरेर गैंडाकोटमा आउनुभएका र प्रवासमा काम गरेर पार्टीलाई योगदान पुर्याएका पार्टी सदस्यहरुलाई सम्मान गरिएको गैँडाकोट नगर अध्यक्ष होमनाथ पराजुलिले बताउनुभयो ।
कार्यक्रममा अन्टुक केन्द्रीय महासचिव शालिकराम सापकोटा, अखिल नेपाल महिला संघ नवलपुर अभ्यक्ष विष्णु पाण्डे लगायतले शुभकामना मन्तब्य राख्नु भएको थियो ।
 राष्ट्रिय जनमोर्चा गैंडाकोट नगर समिति अध्यक्ष होमनाथ पराजुलिको अध्यक्षतामा भएको कार्यक्रमको सहजीकरण सचिव खिलेश्वरी घितालले गर्नुभएको थियो ।