चितवनमा डाक्टर सवार कार दुर्घटना, उपचारका क्रममा मृत्यु

चितवन । चितवनको भरतपुर महानगरपालिका–१० स्थित बिशालचोकमा आज बिहान करिब १ः३० बजे एक कार आफै अनियन्त्रित भई सडक छेउको रुखमा ठोक्किँदा गम्भीर घाइते भएका एक युवकको मृत्यु भएको छ।

बा १५ च ४६९३ नम्बरको उक्त कार रमाइलो चोकबाट बिशालचोकतर्फ आउँदै गर्दा अचानक नियन्त्रण गुमाएर दुर्घटनामा परेको थियो। गाडी चालक भरतपुर महानगरपालिका–२ आँपटारी निवासी  डा.बिप्लब भट्ट गम्भीर घाइते भई तत्कालै उपचारका लागि भरतपुरस्थित पुरानो मेडिकल कलेजमा लगिएको थियो। तर, उपचारको क्रममा बिहान करिब २ः०५ बजे उहाँको मृत्यु भएको चितवन प्रहरीले जनाएको छ।

दुर्घटनाको कारणबारे थप अनुसन्धान भइरहेको प्रहरीले जानकारी दिएको छ।