गैंडाकोटमा छाडा तथा सामुदायिक कुकुरलाई रेबीजविरुद्धको खोप लगाइने

गैंडाकोट । गैंडाकोट नगरपालिकाको आयोजनामा छाडा तथा सामुदायिक कुकुरहरुलाई रेबीज रोगविरुद्धको खोप लगाइने भएकोे छ । गैंडाकोट नगरपालिकाका पशु शाखा प्रमुख डा.प्रमोद कुमार पौडेलका अनुसार यहीं भदौ १६ गतेदेखि (सेप्टेम्बर १, २०२५) शुरु हुने उक्त कार्यक्रम अन्तर्गत नगरपालिकाका सबै वडाहरूमा रहेका कुकुरलाई निःशुल्क खोप लगाइनेछ ।

कार्यक्रमलाई हार्ट नेपाल, रोटरी क्लब अफ गैंडाकोट र रोट्र्याक्ट क्लब अफ गैंडाकोटले सहकार्य गर्नेछन् । नगरपालिकाका अनुसार यस खोप अभियानले कुकुरलाई मात्र नभई मानिसलाई समेत रेबीज रोगबाट सुरक्षित बनाउन मद्दत गर्ने अपेक्षा गरिएको छ ।