कुँवर समाज नेपाल–चितवन जिल्ला कार्यसमितिको नयाँ नेतृत्व चयन

गैंडाकोट । कुँवर समाज नेपाल–चितवन जिल्ला कार्यसमितिले कुलबहादुर कुँवरको नेतृत्वमा नयाँ कार्यसमिती चयन गरेको छ । जसमा उपाध्यक्षमा पदम बहादुर कुँवर, सचिवमा निरमाया कुँवर, कोषाध्यक्षमा करिस्मा कुँवर, सहसचिवमा इश्वर कुँवर, सदस्यहरुमा मिलन कुँवर, दिलिप कुँवर, इन्द्र बहादुर कुँवर, राम बहादुर कुँवर र विष्णु कुँवर चयन हुनुभएको छ ।

कुँवर समाजको विशेष भेला तथा कार्यसमिति चयन कार्यक्रम गैंडाकोट–५ स्थित गैंडाकोट फनपार्कको सभाहलमा शनिबार भएको कार्यक्रममा कुँवर समाज नेपाल–चितवन जिल्ला समितिका संस्थापक सदस्य तथा वरिष्ठ उपाध्यक्ष दुर्गाजित कुँवरले नयाँ नेतृत्वलाई बधाई दिँदै कुँवर समाजको हकहितमा सत्य र इमान्दार भएर कार्य गर्न आग्रह गर्नुभयो । उहाँले २०६० सालमा बनेको विधानअनुसार गैंडाकोट नगर क्षेत्रमा पनि इकाइ समिति गठन गरी स्थानीय कुँवर समुदायलाई एकताबद्ध बनाउँदै सामाजिक क्षेत्रमा योगदान दिँदै आएको जानकारी दिनुभयो ।

नव–निर्वाचित अध्यक्ष कुलबहादुर कुँवरले धन्यवाद ज्ञापन गर्दै कुँवर समाजलाई एकरूपता बनाइ “सभ्य कुँवर” बन्न प्रतिबद्ध रहने प्रतिवद्धता व्यक्त गर्नुभयो ।

कार्यक्रममा वक्ताहरुले आफ्ना पुख्यौली इतिहासलाई स्मरण गर्दै बलभद्र कुँवरले देश र समाजका लागि पु¥याएको योगदानबारे चर्चा गरेका थिए । साथै, कुँवर समुदायलाई एकताबद्ध भएर अघि बढ्न आग्रह गरिएको थियो ।

निरु माया कुँवरले स्वागत मन्तव्य राख्नुभएको कार्यक्रमको कृष्ण कुँवरले सहजीकरण गर्नुभएको थियो । कार्यक्रम कुँवर समाज नेपाल–चितवन जिल्ला कार्यसमितिका अध्यक्ष भद्र बहादुर कुँवर (गोपाल) को अध्यक्षतामा सम्पन्न भएको थियो ।