गैंडाकोटमा स्कुटर र ट्रक ठोक्किदा दुई जनाको मृत्यु

गैँडाकोट । नवलपुरको गैंडाकोटमा आज  ट्रक र स्कुटर ठोक्किदा दुई जनाको मृत्यु भएको छ । 

गैंडाकोट १० को खरकट्टा जंगलमा ना ५ ख ८४१७ नम्बरको सामान लोड गरेको ट्रक र लु ५५ प ३१३४ नम्बरको स्कुटर आपसमा ठोक्किँदा दुई जनाको मृत्यु भएको जिल्ला प्रहरी कार्यालय नवलपुरले जनाएको छ ।

स्कुटरमा सवार कावासोती ३ का दलबहादुर सुनार र ट्रकका एक जनाको मृत्यु भएको जिल्ला प्रहरी कार्यालय नवलपुरले जनाएको छ । अन्य जानकारीका अनुसन्धान भइरहेको र सनाखतका शव लागि भरतपुर अस्पताल पठाइएको प्रहरीले जानकारी दिएको छ । ट्रक चालक हो वा सहचालक  साथै अन्य अवस्थाको बारेमा अनुसन्धान भइरहेको प्रहरीले जानकारी दिएको हो । 

ट्रक पल्टिएर स्कुटरर्लाृ च्यापेर स्कुटर चालकसँगै ट्रकमा सवार १ जनाको मृत्यु भएको प्रहरीले जनाएको छ । ट्रक मुनि दुई जनाको शव च्यापिएको अवस्थामा रहेको थियो ।