हिमालय रोडिजको उपाधि जोसेफ शर्मालाई

नवलपुर । हिमालय रोडिज छैटौं सिजनको उपाधि जोसेफ शर्माले जितेका छन् । सोमबार राती हिमालय टिभी एचडीमा फिनाले एपिसोड प्रसारण भएको थियो ।

टीम अनुपविक्रम शाहीका प्रतिस्पर्धी शर्माले उपाधि जितेका हुन् । विजेता शर्माले १० लाख नगदसहित शीर्ष प्रायोजक यामाहाबाट मोटरसाइकल र गिफ्ट ह्याम्पर प्राप्त गरेका छन् ।

टीम लाउरेबाट अरविन्द चन्द ठकुरी उपविजेता बने । रनरअप बनेसँगै ठकुरीले १ लाख नगदसहित गिफ्ट ह्याम्पर प्राप्त गर्नेछन् । फिनाले एपिसोडमा हिमालय टिभीका कार्यकारी निर्देशक श्याम कँडेलसहित प्रायोजकका प्रतिनिधिले पुरस्कार प्रदान गरे ।

पुरस्कार भने मंगलबार आयोजना विशेष समारोहमा प्रदान गर्ने तयारी छ । छैटौं सिजनमा १६ जना प्रतिस्पर्धीले सहभागिता जनाएका थिए ।