गैंडाकोट । गैंडाकोट नमुना माध्यामिक विद्यालयले ३१ औं वार्षिकोत्सव तथा अभिभावक दिवस मनाएको छ । गैंडाकोट २ स्थित विद्यालय परिसरमा आज विद्यालयले बालबालिका, अभिभावक, शिक्षक तथा सरोकारवाहरुको साथमा विभिन्न कार्यक्रमहरु गरी वार्षिकोत्सव तथा अभिभावक दिवस मनाएकोे हो ।

कार्यक्रममा गैंडाकोट नगरपालिकाका नगरप्रमुख मदनभक्त अधिकारीले विद्यालयको समुन्नतीका लागि शिक्षक, अभिभावक र विद्यार्थीको साथको आवश्यक रहेको बताउनुभयो । उहाँले यस विद्यालयले शिक्षा क्षेत्रको विकासमा टेवा पु¥याएको बताउँदै आगामी दिनमा अझै  व्यवहारिक शिक्षालाई जोड दिएर अगाडी बढ्न आग्रह गर्नुभयो ।

यस्तै विद्यालयका शिक्षक अभिभावक संघका अध्यक्ष राजेन्द्र रानाले विद्यार्थीको व्यवहारिक र सैद्धान्तिक शिक्षा र विकासका लागि विद्यालयले सरोकारवालासँग समन्वय गरेर अगाडी बढेको बताउँदै सबैको सहयोगको अपेक्षा रहेको बताउनुभयो । 

विद्यालयका प्राचार्य गोपेन्द्रकेशरी न्यौपानेले विद्यालयले विद्यार्थीहरुलाई गुणस्तरीय शिक्षा दिन सफल भएको र हरेक वर्ष ९५ प्रतिशत माथिको नतिजा दिएर जिल्लामा मात्र नभई राष्ट्रिय स्तरमै उत्कृट विद्यालयका रुपमा चिनिन सफल भएकोे बताउनुभयो । यहाँसम्म आई पुग्न शिक्षक, अभिभावकहरुको समेत भुमिका रहेको बताउनुभयो ।

२ वर्षको बिचमा विद्यालयको पुर्वाधारहरुमा सुधार गरी भुकम्परहित भवन निर्माण गरी थप विद्यार्थीको सिकाईलाई गुणस्तरीय बनाउने समेत न्यौपानेले बताउनुभयो ।

 

कार्यक्रममा विद्यार्थीहरुले विभिन्न सांगितीक कार्यक्रमहरु प्रस्तुत गरेका थिए । कार्यक्रममा सम्पुर्ण वडा अध्यक्षको प्रतिनिधित्व गर्दै गैंडाकोट ४ का वडाध्यक्ष तेजप्रसाद घिमिरे, गैँडाकोट २ का वडाध्यक्ष प्रकाश सापकोटा, शिक्षाविद् डोलराज पाण्डे, सरस्वती निकेतनका प्राचार्य भरत वावु कँडेल लगायतले शुभकामना मन्तव्य राख्नुभएको थियो । 

२०८० को एस ई ई मा ३.९६ जि पि ए हासिल गरेकोमा स्वतीका खड्का  र  वि एल ईमा २०८० मा ३.९१ जि पि ए हासिल गर्न सफल दिपिका थापा मगरलाई सम्मान गरिएको थियो । त्यस्तै अभिभावकहरुबिच खेल खेल्नुका साथै ३१ जना अभिभावकहरुलाई लक्की ड्र मार्फत पुरस्कार पनि प्रदान गरिएको थियो ।

 
 कार्यक्रममा विद्यालय व्यवस्थापन समितिका पदाधिकारी तथा सदस्य, जनप्रतिनिधि, पूर्व प्रधानाध्यापक, छिमेकी विद्यालयका प्रधानाध्यापकहरु, शैक्षिक व्यक्तित्व लगायतको उपस्थिती रहेको थियो ।  कक्षा ७ मा अध्ययनरत आशिका खड्काले स्वागत मन्तव्य राख्नुभएको थियो भने सेकेण्डरी लेबल कोअडिनेटर धनीेश्वर गौतम (डि जी) ले कार्यक्रमको सहजीकरण गर्नुभएको थियो ।

गैंडाकोट नमुना माध्यामिक विद्यालयमा नर्सरीदेखि ब्याचलरसम्म करिब १९०० जना विद्यार्थीहरु अध्ययनरत रहेका छन्।    ।