कालिका नमुना मा विका निवर्तमान प्रधानाध्यापक कँडेललाई विद्यार्थीद्धारा विदाई 

गैंडाकोट । कालिका नमुना माध्यमिक विद्यालयका निवर्तमान प्रधानाध्यापक प्रजानाथ कँडेललाई सोमबार विदाई गरिएको छ । विद्यालयका कक्षा १२ का विद्यार्थीहरुले एक औपचारिक कार्यक्रमको आयोजना गरी विदाई गरेका हुन् । विद्यार्थीहरुले कँडेललाई पञ्चेबाजा सहित फुल माला र अविरले सम्मान गरेका थिए । 

३३ बर्ष अगाडीदेखि शिक्षण पेशामा आवद्ध हुनुभएका कँडेल पछिल्लो समय कालिका नमुना माध्यमिक विद्यालयमा प्रधानाध्यापकको रुपमा अध्यापनमा हुनुहुन्थ्यो । 

विद्यार्थीहरुले अनुशासन र असल मार्गलाई पछ्याएर हिड्न कँडेलले सुझाव दिनुभएको छ । साथै उहाँले देशको भविष्य बनाउन जिम्मेवारी अहिलेको विद्यार्थीको काँधमा रहेकोले देशको बारेमा सोचेर अगाडी बढ्न आग्रह गर्नुभयो । आफु सधैँ विद्यार्थीको साथमा भएको बताउँदै आवश्यकता र समस्या पर्दा विद्यार्थीले आफुलाई सम्झीन सक्ने पनि बताउनुभयो ।

 
विद्यार्थीहरुलाई असल मार्गदर्शक र सक्षम बनाउन टेवा पु¥याउनु भएकोमा स्नेहरुपी धन्यबाद सहित गुरुको कदर गर्दै विदाई कार्यक्रम गरिएको विद्यार्थी लोकप्रसाद काफ्लेले बताउनुभयो । 

विद्यार्थी अनमोल आचार्यले कँडेलले शिक्षक र प्रअको रुपमा गर्नुभएको सहयोग, विद्यार्थीको सक्षमताका लागि खेल्नुभएको भूमिकाको बारेमा बताउनुभएको थियो । कार्यक्रममा साङ्गेतिक र साहित्यीक प्रस्तुती पनि राखिएको थियो । कार्यक्रमको सहजिकरण विद्यार्थी झरना पौडेल र लक्ष्मण परियारले गर्नुभएको थियो ।