अझै केही दिन मौसममा सुधार नहुने

अझै केही दिन मौसममा सुधार नहुने मौसमविद् सरोज पुडासैनीले बताउनुभएको छ । विजय एफएमसँग कुराकानी गर्दै उहाँले तिनदिनसम्म मौसम पूर्णरुपमा नखुल्ने बताउनुभएको हो । साथै उहाँले चितवन र नवलपुरमा न्यूनतम तापक्रम १० डिग्रीदेखि अधिकतम तापक्रम १८ डिग्री सेल्सीयस सम्म रहने पूर्वानुमान गरिएको पनि जानकारी दिनुभयो । मौसम नखुल्ने हुँदा बिशेष सर्तकता अपनाउन र न्यायो रहेर बस्न पनि सुझाव दिनुभएको छ । यसैबिच खराब मौसमका कारण भरतपुर, जनकपुर र सिमरामा उडान प्रभावित भएका छन् । तराईमा हुस्सु बढ्नुका साथै कम भिजिबिलिटी हुँदा आज भरतपुर, जनकपुर र सिमरामा उडान प्रभावित भएका हुन् । भरतपुर विमानस्थलका अनुसार बिहानबाटै भिजिबिलिटी नपुग्दा उडान हुन नसकेको हो । आजका लागि भरतपुरका सबै उडान स्थगित भएका छन् ।