सहकारीकर्मीलाई आधारभूत सहकारी शिक्षा

सहकारी समन्वय मञ्च गँैंडाकोट र गैंँडाकोट नगरपालिकाको आयोजनामा सहकारी कर्मीहरूका लागी आधारभूत सहकारी शिक्षा विषयमा अन्तरकृया कार्यक्रम गरिएको छ । गैंडाकोट ८ स्थित विजय विकास स्रोत केन्दको सभाहलमा सम्पन्न कार्यक्रममा प्रमुख अतिथि गैंँडाकोट नगरपालिकाका सहकारी प्रमुख देवेन्द्र गौतमले सहकारीमा देखापर्ने समस्याहरूको उठान गर्दै आउनुभएको छ ।

देशका सहकारीमा अहिले किन समस्याहरु आइपरेका छन्, किन सहकारीमा समस्याहरु आइपर्छन् भन्ने विषयमा गौतमले स्पष्ट पार्नुभएको थियो । 
कार्यक्रमका अध्यक्ष वावुराम खनालले समस्या निराकरणका लागि पैरबी मार्फत सहयोग गरिरहेको बताउनुभएको छ । 
कार्यक्रममा सहजकर्ता प्रेमप्रसाद सापकोटाले उपस्थित सम्पूर्णलाई ऋण लगानी तथा असुली प्रकृयाको प्रशिक्षण गराउनुभएको थियो । कार्यक्रममा स्वागत मन्तव्य सहसचिव दोलराज पाण्डेले राख्नुभएको थियो भने कार्यक्रम सञ्चालन मञ्चका सचिव मिलन राज घिमिरेले गर्नुभएको थियो ।

कार्यक्रममा विजय सामुदायिक सूचना सञ्चार सहकारी संस्था लिमिटेडका अध्यक्ष त्रिलोचन सापकोटा, परिवर्तन बचत तथा ऋण सहकारी संस्थाका अध्यक्ष शक्तिप्रसाद सापकोटा लगायतको उपस्थिति रहेको थियो ।