नारायणगढको शुभम् ईन्टरप्राईजेज छापाखानामा आगलागी, १ करोड बराबरको क्षति

चितवन । चितवनको नारायणगढ स्थित शुभम ईन्टरप्राईजेज्  छापाखानामा आगलागी भएको छ । गएराती एक बजे विद्युत सट हुँदा छापाखानाका तीन वटा सटरमा आगलागी भएको हो ।

आगलागीबाट करिव एक करोड बराबरको क्षति पुगेको सञ्चालक अमन देवकोटाले जानकारी दिनुभयो । उनका अनुसार आगलागीबाट तीन वटा सटरका सामानमा पुर्ण रुपमा क्षती पुगेको छ ।

आगलागी भएपछि प्रहरी, भरतपुर महानगरपालिकाको दमकल, खैरहनी नगरपालिकाको दमकल र नेपाली सेनाको दमकलको सहयोगमा आगो नियन्त्रणमा लिइएको जिल्ला प्रहरी कार्यालय चितवनले जानकारी दिएको छ । जिल्ला प्रहरी कार्यालय चितवनका सुचना अधिकारी रविद्र खनालको अनुसार विद्युत सट भएर आगोलागी भएको  हो ।