देवचुलीमा क्षेत्रीय प्रतिनिधिसँग संवाद, डा. चन्द्र भण्डारी आउँदै

नवलपुर । नेपाली काँग्रेस नवलपुर क्षेत्र नं. १ ले क्षेत्रीय प्रतिनिधिहरुसँग संवाद कार्यक्रम आयोजना गरेको छ । संवाद कार्यक्रम देवचुलीको सहारा पार्टी प्यालेसमा आयोजना हुनेछ । प्रतिनिधि सभा संघिय क्षेत्र नं. १ क्षेत्रीय कार्यसमिति नवलपरासी पूर्वका सभापति अमृत भट्टचनले कार्यक्रम विहान साढे १० बजेबाट सुरु हुने बताउनुभएको छ । संवाद कार्यक्रममा नवलपुर क्षेत्र नं. १ का सांसद तथा काँग्रेसका पूर्व महामन्त्री प्रा.डा. शंशाक कोइराला, केन्द्रीय सदस्य डा. चन्द्र भण्डारी र नवलपुर क्षेत्र नं. १ (क) का सांसद तथा जिल्ला सभापति महेन्द्रध्वज जिशिको उपस्थिति रहने क्षेत्रीय सभापति अमृत भट्टचनले जानकारी दिनुभएको छ ।