गैंडाकोटमा पृथ्वी जयन्तीको अवसरमा खेलाडीसँग अन्तरक्रिया कार्यक्रम

तत्कालिन राजा पृथ्वी नारायण शाहको ३०३ औँ जन्म जयन्तीको अवसर पारेर गैंडाकोटमा अन्तरक्रिया कार्यक्रम गरिएको छ । पृथ्वी नारायण शाहले राष्ट्रप्रति दिएका अतुलनीय योग्दानको कदर गर्दै उहाँको सम्झनामा आज खेलाडीहरुले उहाँको बारेमा बताएका थिए 

सोही कार्यक्रममा उमेर समुहको ६ टिमबिच फुटबल प्रतियोगिता गराई खेलाडी छनौट पनि गरिएको थियो ।
कार्यक्रम अध्यक्ष गैंडाकोट बक्सिङ प्रशिक्षक संघ संयोजक दलबहादुर रानाले पृथ्वीे जयन्तीको शुभकामना व्यक्त गर्दै राष्ट्रलाई पृथ्वी नारायण जस्तै राष्ट्रप्रेमीको खाँचो रहेको बताउनुभयो । रानाले खेलाडिहरुले आफ्नो खेललार्ई निरन्तरता दिँदै राष्ट्रलाई  विश्वभर चिनाउनका लागि मेहेनत गर्नुपर्ने बताउनुभयो ।    

कार्यक्रममा नेपाल बक्सिङ महासंघ केन्द्रिय सदस्य लक्ष्मण कार्की, गैंडाकोट महिला फुटबल क्लब एबम् गण्डकी प्रदेश फुटबल संघ कोषाध्यक्ष डिल कुमारी घिमिरे (दुर्गा) , नवलपुर जिल्ला बक्सिङ संघका सल्लाहकार रामु शाहि ठकुरी, बक्सिङ प्रशिक्षक गण्डकी प्रदेश लेवल–१ का केशव थापा, एन्फा सि लाइसेन्स प्रशिक्षण प्राप्त एवम् एन्फा कमिनिटि फुटबल कोच प्रसान्त रेग्मी, एन्फा सि लाइसेन्स प्रशिक्षण प्राप्त एवम् एन्फा कमिनिटि फुटबल कोच सृजना रेग्मी, एन्फा कम्युुनिटि फुटबल कोच सुभाष तमाङ लगायत खेलप्रेमीहरुको उपस्थिती रहेको थियो ।