नेकपा (माओवादी केन्द्र) गैँडाकोटमा नयाँ नेतृत्व, अध्यक्षमा प्रकाश अधिकारी ।

गैंडाकोट–नेपाल कम्युनिष्ट पार्टी (माओवादी केन्द्र) गैंडाकोटको अध्यक्षमा प्रकाश अधिकारी चयन भएका छन् । नेकपा (माओवादी केन्द्र) गैँडाकोट नगर कमिटीको दोस्रो अधिवेशनले अधिकारीको अध्यक्षतामा ५५ सदस्यीय नगरकमिटी चयन गरेको हो ।  पौष २ गते पार्टीको अधिवेशन भएपनि सहमतिका लागि भन्दै नयाँ नेतृत्व चयन प्रकृया रोकिएको थियो । नेताहरुका विचमा सहमती कायम भएपछि प्रकाश अधिकारी सर्वसम्मत अध्यक्ष चयन भएका हुन् । 
पार्टीको नगर उपाध्यक्षहरुमा रामकुमारी रिमाल, सुक बहादुर दंगाली र विष्णु सापकोटा चयन हुनुभएको छ । नगर सचिवमा अर्जुन पोखरेल, सहसचिवमा बाबुराम पराजुली, कोषाध्यक्षमा दुर्गाबहादुर राना चयन हुनुभएको नवनिर्वाचित नगरसचिव अर्जुन पोखरेलले जानकारी दिनुभयो । पार्टीको लेखा समिति संयोजकमा जयलाल पराजुली र सदस्यमा सुजिता न्यौपानेलाई चयन गरिएको छ ।