नेपाल मगर संघ गैंडाकोट नगर कार्यसमितिले गर्यो सपथ ग्रहण 

गैंडाकोट । नेपाल मगर संघ गैंडाकोटको नगर समितीको नयाँ कार्यसमितिले सपथ ग्रहण गरेको छ । मंसिर २९ गते सम्पन्न भएको अधिवेशनको निर्विरोध निर्वाचित कार्यसमितीले शनिबार सपथ ग्रहण लिएका हुन् । 

दुर्गा बहादुर पुन मगरको अध्यक्षतामा नयाँ कार्यसमिति गठन भएको थियो । जसको उपाध्यक्षमा मोम कुमारी पुन मगर, सचिवमा भद्रकलि थापा मगर, कोषाध्यक्षमा मिना गुरुङ थापा मगर, सहसचिवमा राजेन्द्र मगरसहित १६ सदस्यीय समिति गठन भएको थियो । 

कार्यक्रममा नेपाल मगर संघ केन्द्रिय समितिका अध्यक्ष गंगा बहादुर थापा मगरले निर्वाचित नयाँ कार्यसमितिहरुलाई बधाई दिदै संस्थालाई सबैजना मिलेर अगाडी बढाउनुपर्ने बताउनुभयो । उहाँले मगर समुदायमा लक्षित हुने क्रियाकलापहरु गर्नमा जोड दिनुपर्ने बताउनुभयो ।

निर्वाचन समितीका संयोजक नर बहादुर थापा मगरको अध्यक्षतामा सम्पन्न भएको उक्त कार्यक्रमको सहजीकरण निर्वाचन समितीका सदस्य तेजेन्द्र राना मगरले गर्नुभएको थियो ।