नेराश स्वर्ण महोत्सव अन्तर्गत शुक्रबार अन्तरमावि हाजिरीजवाफ प्रतियोगिता सम्पन्न ।

नवलपरासी पूर्व । गैँडाकोट वाड नं. १ मा रहेको श्री नेपाल राष्ट्रिय शमसेर आदर्श माध्यामिक विद्यालयले स्वर्ण महोत्सवको अवसरमा आज शुक्रबार हाजिरी जवाफ प्रतियोगिता सम्पन्न गरेको छ । प्रतियोगितामा गैँडाकोटका १४ वटा विद्यालयहरुको सहभागिता रहेको थियो । प्रतियोगितामा जनक नमुना माध्यमिक विद्यालयले प्रथम स्थान हासिल गरेको छ । अमर ईङ्लिस स्कुल द्वितीय र  गैँडाकोट इङ्लिस स्कूलले तृतीय स्थान हासिल गरेको छ । श्री नेपाल राष्ट्रिय शमशेर आदर्श माध्यामिक विद्यालयले सान्त्वना स्थान हासिल गरेको छ । 
कार्यक्रममा गैँडाकोट वडा नं १ का वडाध्यक्ष सुरेन्द्र रेग्मी,  गैँडाकोट वडा नं २ का वडा अध्यक्ष प्रकाश सापकोटा, शिक्षा तथा युवा खेलकुद शाखाका अधिकृत रामप्रसाद अधिकारी, विद्यालय व्यवस्थापन अध्यक्ष कविराज आचार्य, शिक्षक, विद्यार्थीहरुको उपस्थिती रहेको थियो । पहिलो चरणको कार्यक्रमको सहजीकरण शिक्षक जुना पराजुलीले गर्नु भएको थियो भने दोस्रो चरणको कार्यक्रमको सहजीकरण सहायक प्रधानाध्यापक कृष्णराज भट्टराईले गर्नुभएको थियो ।