पेट्रोलको मूल्य बढ्यो

 नेपाल आयल निगमले पेट्रोलको मूल्य वृद्धी गरेको छ भने डिजेल र मट्टीतेलको मूल्य भने घटाएको छ। निगमले गएरातिदेखि लागु हुने गरी नयाँ मूल्यसूची सार्वजनिक गरेको हो ।

जसअनुसार पेट्रोलको मूल्य प्रतिलिटर दुई रुपैयाँले बढाइएको छ भने डिजेल र मट्टीतेलको मूल्य प्रतिलिटर दुई रुपैयाँले घटाइएको निगमले जानकारी दिएको छ ।

निगमले पहिलो वर्गका लागि पेट्रोल प्रतिलिटर १५९ रुपैयाँ ५० पैसा, दोस्रो वर्गका लागि प्रतिलिटर १६१ रुपैयाँ र तेस्रो वर्गका लागि प्रतिलिटर १६२ रुपैयाँ तोकेको छ ।

यस्तै, डिजेल र मट्टितेल पहिलो वर्गका लागि प्रतिलिटर १४८ रुपैयाँ ५० पैसा, दोस्रो वर्गका लागि प्रतिलिटर १५० रुपैयाँ र तेस्रो वर्गका लागि १५१ रुपैयाँ निर्धारण गरिएको छ ।