सातौं राष्ट्रपति रनिङ शिल्ड प्रतियोगिताको शिल्ड लक्ष्मी माध्यमिक विद्यालयलाई ।

गैँडाकोट ।  गैँडाकोट नगरपालिका वडा नं ३ कृष्णगण्डकी माध्यमिक विद्यालय ढोडेनीमा भएको सातौं राष्ट्रपति रनिङ शिल्ड प्रतियोगिताको शिल्ड लक्ष्मी माध्यमिक विद्यालयले हात पार्न सफल भएको छ । विभिन्न खेलहरुमा उत्कृष्ट प्रर्दशन गर्दै १२ स्वर्ण ,३ रजत र ४ कास्य पदक सहित सबै भन्दा धेरै पदक प्राप्त गरी लक्ष्मी माध्यमिक विद्यालय प्रथम भएको हो । जनता माध्यमिक विद्यालयले ६ स्वर्ण ,२ रजत र २ कास्य पदक सहित दोस्रो र अक्सफोर्ड सेकेण्डरी इङ्लिस स्कूलले ५ स्वर्ण ,१ रजत र १ कास्य पदक सहित तृतिय स्थान प्राप्त गरेका छन् । 

समापन कार्यक्रमका प्रमुख अतिथि गैँडाकोट नगरपालिका प्रमुख मदनभक्त अधिकारीले विजेता विद्यालयहरुलाई प्रमाण पत्र ,शिल्ड र पुरस्कार प्रदान गर्नुभएको थियो । कार्यक्रममा गैँडाकोट नगरपालिकाका उपप्रमुख शान्ति कोइराला, शिक्षा विकास तथा समन्वय इकाइ प्रमुख दिपेन्द्रराज श्रेष्ठ, शिक्षा अधिकृत रामप्रसाद अधिकारी, शिक्षा समितिका सदस्यहरु, गैँडाकोट नगरपालिका वडा नं ३ का वडा अध्यक्ष तथा नगरप्रवक्ता शिवकान्त तिवारी, विभिन्न वडाका वडा अध्यक्षहरुको उपस्थिति रहेको थियो । विद्यालयका प्रधानाध्यापक सूर्यनाथ तिवारीले स्वागत मन्तव्य व्यक्त गर्नुभएको थियो । विद्यालय व्यवस्थापन समितिका अध्यक्ष खड्ग सुनारीको अध्यक्षतामा सम्पन्न भएको सो कार्यक्रम विद्यालयका शिक्षक बलराम रानाभाटले सहजीकरण गर्नुभएको थियो ।