शुभ दिपावली विशेष सांस्कृतिक कार्यक्रम सम्पन्न 

गैँडाकोट । नारायणी टोल विकास संस्थाले सञ्चालन गरेको शुभ दीपावाली विशेष सांस्कृतिक कार्यक्रम सम्पन्न भएको छ । कार्यक्रम गैँडाकोट नगरपालिका वडा नं. ७ स्थित नारायणी माविको विद्यालय प्राङ्गणमा सम्पन्न गरिएको हो । नारायणी टोल विकास संस्थाका अध्यक्ष भोजप्रसाद परियारको अध्यक्षतामा सम्पन्न गरिएको थियो ।

उक्त कार्यक्रममा प्रमुख अतिथिका रुपमा रहनुभएका गैँडाकोट नगरपालिकाका नगर प्रमुख मदनभक्त अधिकारीले चाडपर्व पूर्खौदेखि चलिआएको नेपालि संस्कृति रहेको बताउनुभयो । यस्ता संस्कृतिहरुको हामीले सबैले सदैव संरक्षण गर्नुपर्ने नगरप्रमुख अधिकारीले जोड दिनुभयो । कार्यक्रमका विशिष्ट अतिथि वडा नं. ७ का वडा अध्यक्ष होमनाथ सापकोटाले चाडपर्वलाई तडकभडक नगरी मौलिक रुपमा मनाउन आवश्यक रहेको बताउनुभएको छ ।

कार्यक्रमको सहजीकरण लोक दोहारी गायक ढाकाराम पौडेलले गर्नुभएको थियो भने कार्यक्रममा पुस्कल शर्मा, सृष्टि पौडेल, भुमिका गिरी लगायतका स्थानीय लोकदोहोरी गायक गायिकाहरुको प्रस्तुती रहेको थियो ।