रत्ननगरमा मोटरसाइकल र स्कुटर एक आपसमा ठक्कर खाँदा एक जनाको मृत्यु तीन जना घाईते

चितवन - चितवन सवारी दुर्घटना हुँदा एक जनाको मृत्यु भएको छ भने तीन जना घाइते भएका छन् । रत्ननगर नगरपालिका ३ शान्तिचोक स्थित पुर्व पश्चिम राजमार्ग साँझ सवा ६ बजे खैरहनीबाट टाँडी तर्फ आउँदै गरेको ना ४६ प ८२४८ नम्बरको मोटरसाइकल र विपरित दिशा तर्फ जाँदै गरेको ना ५६ प ९१६९ नम्बरको स्कुटर एक आपसमा ठक्कर खाँदा स्कुटरमा सवार एक जनाको मृत्यु भएको हो ।

मृत्यु हुनेमा स्कुटर चालक खैरहनी नगरपालिका १ बस्ने २१ वर्षिय दिपेश चौधरी रहेका छन् । यस्तै तीन जना घाइते भएका छन् ।

दुर्घटनामा परी गम्भिर घाईते भएका चौधरीको मनकामना हस्पिटलमा सवा सात बजेट उपचारको क्रममा मृत्यु भएको हो ।

स्कुटरको पछाडी सवार सोही ठाउँका २४ वर्षिय अर्जुन चौधरी, मोटरसाइकलमा सवार खैरहनी नगरपालिका १का २२ बर्षिय अनिस बस्नेत र मोटरसाइकलको पछाडि सवार २२ वर्षिय सुजेक दराईको घाइते भएका छन् । घाइतेहरुको उपचार पुरानो मेडिकल कलेजमा भइरहेको छ ।