आधारभूत सहकारी शिक्षा विषयक अन्तक्र्रिया

गैँडाकोट । सहकारी समन्वय मञ्च गैँडाकोट र गैँडाकोट नगरपालिका सहकारी विभागले वडा नं. १० देखि १८ सम्मका सहकारी संस्थाका लागि आधारभूत सहकारी शिक्षा विषयक अन्तक्रिया कार्यक्रम आज सम्पन्न गरेको छ । 

गैँडाकोट १० स्थित पौवा रिसोर्टमा सञ्चालन भएको उक्त कार्यक्रममा सहकारी मञ्चका अध्यक्ष बाबुराम खनालको अध्यक्षता तथा गैँडाकोट नगरपालिका सहकारी विभाग प्रमुख देवेन्द्र गौतमको प्रमुख आतिथ्यतामा कार्यक्रम भएको थियो । 

कार्यक्रममा देवेन्द्र गौतम र जीवलाल तिवारीले सहकारीका विषयमा प्रष्ट पार्नुभएको थियो । मञ्चका उपाध्यक्ष खगराज सापकोटाले स्वागत मन्तव्य व्यक्त गर्नुभएको थियो भने कार्यक्रमको सञ्चलन मञ्चका सचिव मिलन राज घिमिरेले गर्नुभएको थियो ।