दुर्गा मन्दिर कोटिहोममा तीज गित प्रतियोगिता

गैँडाकोट । गैँडाकोट नगरपालिका वडा नम्बर १० स्थित श्री दुर्गा मन्दिर सञ्चालक समिति कोटिहोम श्री सिद्धिदात्री दुर्गा मन्दिर कोटिहोम आश्रम धार्मिक वनको आयोजनामा तीज गीत प्रतियोगिता सम्पन्न भएको छ । 

प्रतियोगितामा नमुना आमा समूह हर्कपुर प्रथम, हिमाली आमा समूह पितौजी द्वितीय, मालती आमा समूहले तृतीय स्थान हासिल गरेका थिए । 

कार्यक्रम संयोजक भगवती कंडेलले हिन्दु नारीको महान चाडलाई जगेर्ना गर्ने उद्देश्यले कार्यक्रम गरिएको बताइन् । कार्यक्रममा प्रमुख अतिथि गैँडाकोट नगर उप प्रमुख शान्ति कोईराला रहेकी थिइन् ।  

तीज गित प्रतियोगिता कार्यक्रममा गैँडाकोट नगरपालिका वडा नम्बर १०का वडा अध्यक्ष देविदत्त कंडेल, संरक्षक सदस्य मनोहरी कंडेल, पिठाधिस योगि खेचरनाथ, आश्रमका अध्यक्ष पे्रमकृष्ण सापकोटा, नरहरी सापकोटा लगायतको उपस्थिति रहेको थियो । 
कार्यक्रमको सहजिकरण सरस्वती न्यूरे कंडेलले गरेकी थिइन् ।