चितवनको सिद्धीमा पिकअप गाडी दुर्घटनामा परेर खैरहनीका न्यौपानेको मृत्यु

चितवन । चितवनमा पिक अप गाडी दुर्घटना हुँदा एकजनाको मृत्यु भएको छ । चितवनको कालिका नगरपालिका वडा नम्बर ११ सिद्धि नजिक शनिबार गाडी दुर्घटना हुँदा खैरहनी निवासी राममणी न्यौपानेको मृत्यु भएको हो ।

सिद्धि बाट कल्याण चौरतर्फ जाँदै गरेको बा १८ च ८९७३ नम्बरको पिक अप गाडी आफै अनियन्त्रित भई सडकदेखि अन्दाजी १ सय ५० मिटर तल खसेको प्रहरीले जनाएको छ । दुर्घटनामा गम्भीर घाइते खैरहनी नगरपालिका वडा नम्बर ४ का अन्दाजी ६२ वर्षिय राममणी न्यौपानेलाई उपचारको लागि भरतपुर अस्पताल ल्याएकोमा चिकित्सकले मृत घोषणा गरेका हुन् ।