गैँडाकोटका शिवालय मन्दिरहरुमा घुँइचो, बोलबम उत्सवसँगै सन्ध्या आरतीको गरिदैँ

गैँडाकोट । साउनको तेस्रो सोमबार आज गैँडाकोटका शिव मन्दिरहरुमा बिहानैदेखि भक्तजनको भीड लागेको छ । 
साउन महिना र सोमबारको दिनलाइ भगवान् शिवको विशेष महिना र बार मानिन्छ । त्यसैले साउनको पहिलो सोमबारका दिन काठमाडौँमा पशुपतिनाथ, गैँडाकोटका शिवालय मन्दिरहरु लगायतका देशैभरका शिव मन्दिरहरुमा भक्तजनको भीड लागेको हो ।

बिहानैदेखी १०८ शिवलिङ्ग रहेका स्थानहरु गैँडाकोट ८ स्थित कालिका मन्दिर कालिका आश्रम, गैँडाकोट ७ स्थित हरिहर मन्दिर, गैँडाकोट ४ स्थित कोटेश्वर मन्दिर, गैँडाकोट २ स्थित गोपेश्वर मन्दिर, गैँडाकोट १७ स्थित त्रिपुरेश्वर हरिहर मन्दिर, मौलाकालिका मन्दिर लगायतका स्थानमा भक्तजनको भिंड लागेको छ ।

मन्दिरहरुमा भक्तजनको घुईंचो व्यवस्थापनमा मन्दिरहरुको सक्रियता रहेको छ । साउन महिनाको सोमबारको अवसरमा साउन महिनाभर मौलाकालिका मन्दिरमा  साझ ५ बजेपछि  आरति हुने धार्मिकसेवा समिति मौलाकालिका मन्दिरका अध्यक्ष शालिकराम  सापकोटाले  बताउनुभयो  । यसैगरी सोमबार आरतिको  अवसरमा मौलाकालिका मन्दिर जान साझ ५ बजेपछि ३ सय ३० रुपैँया  मात्र  टिकटको मुल्य तोकिएको पनि  मौलाकालिका केबलकारले जनाएको छ ।

यस्तै, यता गैँडाकोट ७ स्थित हरिहर मन्दिरमा पनि  आरति  गरिने सहसचिव भानु सापकोटाले जानकारी दिनुभयो ।  मन्दिरमा हरेक सोमबार साझ महा आरति हुँदै आएको  छ  । साउन महिनाको सोमबारको अवसरमा  पुजा आराधना सँगै संर्कितन, किर्तन गरिएको छ ।