देवचुलीमा सालनाल सहितको नवजात शिशु मृत फेला

नवलपुर । नवलपुरको देवचुली नगरपालिका-१ स्थित देवी गैरा सामुदायिक वनमा सालनाल सहितको नवजात शिशु मृत अवस्थामा फेला परेका छन् ।

आइतबार दिउँसो पौने ४ बजेतिर देवचुली नगरपालिका-१ देवी गैरा सामुदायिक वन नजिकै सडकको छेउमा सालनाल सहितको नवजात शिशु (छोरा) मृत फेला परेको नवलपुर प्रहरीले जनाएको छ । तन्नामा पोको पारी फालेको अवस्थामा मृत फेला परेको स्थानीयमार्फत जानकारी प्राप्त हुनासाथ ईलाका प्रहरी कार्यालय रजहरको टोली घटनास्थल पुगेर अनुसन्धान थालेको प्रहरीले जनाएको छ ।