तीनकुने घटनामा ज्यान गुमाएका सविनकी श्रीमतीलाई भाटभटेनीमा जागिर

काठमाडौँ । भाटभटेनीका अध्यक्ष मीनबहादुर गुरुङले तीनकुने घटनामा परेर ज्यान गुमाएका कीर्तिपुरका सविन महर्जनकी श्रीमती भविसालाई भाटभटेनी सुपरमार्केटले जागिर दिने गुरुङले बताउनुभएको छ । तीनकुने घटनामा ज्यान गुमाएकामध्ये पत्रकार सुरेश रजकको परिवारलाई पाँच लाख रुपैयाँ र महर्जनको परिवारलाई तीन लाख रुपैयाँ बराबरको आर्थिक सहयोग घोषणा गरेको थियो । मंगलबार अध्यक्ष गुरुङले दुवै परिवारलाई घरमै पुगेर उक्त रकम बराबरको चेक हस्तान्तरण गर्दै यस्तो बताउनुभएको हो । सो क्रममा गुरुङले यो दुःखद समयमा साथ दिन आफू उपस्थित भएको बताउनुभएको थियो ।

राजावादी समूहले चैत १५ गते तीनकुनेमा गरेको हिंस्रक प्रदर्शनका क्रममा सविनको गोली लागेर मृत्यु भएको थियो भने सुरेशको आगोमा जलेर मृत्यु भएको थियो ।