पठन संस्कृति अभियानको नवौँ शृंखलामा शुभाष घिमिरे आउने

नवलपरासी पूर्व । पठन संस्कृति अभियानको नवौँ शृखंलामा भोली शनिबार लेखक तथा अनुवादक सुभाष घिमिरे गैँडाकोट आउनुहुने भएको छ । शनिबार बिहान ११ बजे विजय विकास स्रोत केन्द्रकोे हलमा हुने कार्यक्रममा घिमिरेको प्रमुख आतिथ्यता रहनेछ ।

पठन संस्कृति अभियानलाई देशब्यापी बनाउनु पर्दछ भन्ने उद्देश्य लिनुभएका घिमिरेले खुला पुस्तकालय क्याम्पेन नेपालका अध्यक्षको जिम्मेवारी लिएर क्रियाशील रहनुभएको छ । 

सुभाष घिमिरेले नेपाली साहित्यलाई अंग्रे्रेजीमा अनुवाद गरेर नेपाली साहित्यलाई फराकिलो बनाउन महत्त्वपूर्ण योगदान दिनुभएको छ । 
लेखक सुभाष घिमिरेले २५ वर्षको अमेरिका बसाइका क्रममा आफूले अनुभूत गरेका अनेकानेक भावना र विचारहरूलाई संग्रहित गरेर अमेरिका अनुभूति पुस्तक सार्वजनिक गरिसक्नुभएको छ । लेखक तथा अनुवादक घिमिरेले  प्रदीप नेपालको “२१औं शताब्दीकी सुम्निमा” र सरुभक्तको “चुली”लाई अंग्रेजीमा अनुवाद गर्नुभएको छ ।

मौन विद्रोहलाई साइलेण्ट रिविलियन पुस्तकको रुपमा अंग्रेजी अनुवाद गर्नुभएको छ भने विपीको अदालती बयानलाइ पनि अंग्रेजीमा अनुवाद गर्नुभएको छ ।  लेखक घिमिरेले अहिले विपी माथि अंग्रेजीमा उपन्यास लेखिरहनुभएकोछ । 
सामुदायिक रेडियो विजय एफएम १०१.६ को आयोजनामा भइरहेको कार्यक्रमले समुदायमा पठन संस्कृतिको विकास गराउन मद्दत गरेको विजय एफएमका अध्यक्ष त्रिलोचन सापकोटाले जानकारी दिनुभयो । यस अभियानले सकरात्मक सोच र चिन्तनको विकास गराउन मद्दत पु¥याउने सापकोटाको विश्वास रहेको छ । 

पठन संस्कृति अभियानको नवौं शृंलामा पनि अघिल्ला शृंखलामा जस्तै पाठकहरुले आफूले पढेका पुस्तकमाथि चर्चा परिचर्चा गर्ने कार्यक्रम रहेको विजय एफएमका स्टेशन म्यानेजर श्रीधर उपाध्यायले जानकारी दिनुभयो । गत वैशाख १५ गतेबाट पठन संस्कृति अभियान सुरु भएको थियो ।