वर्तमान संघीय सरकारले राम्रो काम गरिरहेको कांग्रेस सभापति देउवाको भनाई ।

काठमाण्डौ । नेपाली कांग्रेसका सभापति शेरबहादुर देउवाले वर्तमान संघीय सरकारले राम्रो काम गरिरहेको दाबी गर्नुभएको छ । पार्टीको कोशी प्रदेश सम्मेलनमा सम्बोधन गर्दै देउवाले आफूले झुट नबोल्ने भन्दै प्रधानमन्त्री केपी शर्मा ओलीले राम्रो काम गरिरहेको दाबी गर्नुभएको हो । कांग्रेस–एमालेको गठबन्धन स्थायित्वका लागि बनेको दाबी गर्दै उहाँले प्रधानमन्त्रीले सबै काम राम्रो गरेको जिकिर गर्नुभयो । प्रधानमन्त्री ओलीले चीन भ्रमणबाट धेरै महत्त्वपूर्ण समझदारी गरेको पनि सभापति देउवाले दाबी गर्नुभयो ।