जनमुखी आदर्श कलेज अमरापुरीको शुभकामना आदानप्रदान  

गैँडाकोट । त्रि.वि प्राध्यापक सङ्घ इकाई समिति जनमुखी आदर्श कलेज गैँडाकोट १५ अमरापुरीको आयोजनामा दशैं, तिहार, छठ र नेपाल सम्वतको  सुखद सन्दर्भमा  कलेज सञ्चालन समिति ,प्राध्यापक तथा कर्मचारी बिच  शुभकामना आदानप्रदान  कार्यक्रम सम्पन्न गरिएको हो ।

कार्यक्रम त्रि. वि प्राध्यापक सङ्घ इकाई समितका सभापति रामजी आचार्यको अध्यक्षतामा सम्पन्न भएको छ । कार्यक्रमा कलेज सञ्चालन समितिका कार्यवाहक अध्यक्ष दाताराम पाण्डे अतिथि रहनुभएको थियो । कार्यक्रममा उहाँले हाम्रा सबै मौलिक पर्वले सामाजिक एकता र भाइचाराको सम्बन्धलाई प्रगाढ बनाएको बताउनुभयो । उहाँले जनमुखी  कलेज यस क्षेत्रमै अब्बल रहेको कुरा बताउनु भयो ।

कार्यक्रममा क्यामपस प्रमुख केशव घिमिरेले शुभकामना व्यक्त गर्दै  कलेज अनेक सङ्घर्ष गर्दै भौतिक रुपमा सबल बनिसकेको बताउनुभयो । शैक्षिक संस्थाहरूले स्वदेशमै टिकाउन सक्ने जनशक्ति उत्पादनमा जोड दिनुपर्ने बताउनुभयो । 

सहायक क्याम्पस प्रमुख निराजन चौधरीले  कलेका समस्या, सम्भावना र चुनौतिहरु माथि चर्चा गर्दै चाडपर्व र धर्म बीच सम्बन्ध रहेको बताउँदै सभ्य, सुसंस्कृत र गच्छ अनुसार पर्वहरू मनाउनु पर्ने कुरा  गर्नुभयो । 

उक्त कार्यक्रम सञ्चालन संघका सचिव बासु देव गैह्रेले गर्नुभएको थियो भने स्वागत मन्तव्य व्यवस्थापन सङ्काय प्रमुख सङ्घका उपाध्यक्ष कमला दवाडीले गर्नु भएको थियो । कार्यक्रममा शिक्षा शास्त्र संकाय प्रमुख यज्ञ सुवेदी परीक्षा समिति प्रमुख प्रेम पौड्याल,  कलेज सञ्चालक समिति, कलेजका प्राध्यापकहरु  कर्मचारीको उपस्थिति रहेको थियो ।