गैँडाकोटमा नगर भूतपूर्व सैनिक महिला समूह गठन 

गैँडाकोट । गैँडाकोटमा नगर भूतपूर्व सैनिक महिला समूह गठन गरिएको छ । 

नेपाल राष्ट्रिय भूतपूर्व सैनिक संघ गैँडाकोट नगर समितिको आयोजनामा गैँडाकोट ४ को सिद्धी विनायक गणेश मन्दिरको सभाहलमा भएको नगर भूतपूर्व सैनिक भेटघाट कार्यक्रमले नगर भूतपूर्व सैनिक महिला समूह गठन गरेको हो । 

नगर भूतपूर्व सैनिक महिला समूहको अध्यक्षमा अनिता काफ्ले चयन हुनुभएको छ । त्यसैगरी समितिको उपाध्यक्षमा सावित्रा ढकाल, सचिवमा गीता सापकोटा, सहसचिवमा जानकी थनेत चौधरी, कोषाध्यक्षमा पुष्पकला ढुङ्गाना रहनुभएको छ । सदस्यहरुमा मिना भट्टराई, सरस्वती भूजेल, निरमाया महतो, लक्ष्मी खनाल, पूजा चन्द, लक्ष्मी धिताल र शान्ता गिरी चयन हुनुभएको पुष्कल भट्टराईले जानकारी दिनुभयो । 

भूतपूर्व सैनिक नगर इकाइका अध्यक्ष टीकाराम धितालको अध्यक्षतामा भएको कार्यक्रममा नेपाल राष्ट्रिय भूतपूर्व सैनिक संघका जिल्ला अध्यक्ष देवीप्रसाद भूसाल, जिल्ला भूपू सैनिक महिला समूहका अध्यक्ष लक्ष्मी गौतम लगायत जिल्ला भूपू सैनिक संघ तथा नगर संघका प्रतिनिधिहरुको उपस्थिती रहेको थियो । कार्यक्रमको सहजिकरण नगर इकाईका सचिव ओम प्रकाश रानाभाटले गर्नुभएको थियो ।