गैँडाकोटका वडा सदस्य सकिला परियार महिलाहरु आर्थिक रुपमा सक्रिय हुन नसक्नु नै प्रमुख समस्याको रुपमा देख्नुहुन्छ । 

गँैडाकोट १४ का वडा सदस्य निर्मला सुनार,  महिलाहरुका लागि सीप बृद्धिका लागि प्रयाप्त बजेट अभाव भएको बताउनुहुन्छ । 

गैँडाकोट ९ का वडा सदस्य गोमाता भट्राई पाण्डेको समस्या पनि उस्तै छ । जनताको आवाज त सुनियो तर बजेट प्रयाप्त नहुने भएका कारण सबै काम गर्न सकिएको छैन ।

 

गैँडाकोट १२ का वडा सदस्य भीमकुमारी चौधरीले महिला दिदिबहिनीको सीपबाट उत्पादित सामग्रीको बजार व्यवस्थापनमा नगरपालिकाले सहयोग गर्नुपर्ने बताउनुभयो । 

अर्का वडा सदस्य छलिमाया परियारले आयआर्जनका बढाउने सीपदिने तौलतरिका परिवर्तन गर्नुपर्ने बताउनुभएको छ । 

गैँडाकोट १८ का वडा सदस्य तारामाया विक महिलाका विषयमा उठान गर्ने महिला जनप्रतिनिधिकै क्षमता विकास आवश्यक भएको बताउनुभयो । 

गैँडाकोट नगरपालिका उपप्रमुख शान्ति कोइरालाले महिलाहरुको उद्यमशीलता विकास र बजारीकरणमा नगरपालिका सचेत बनेर काम गरिरहेको बताउनुभयो । 

महिलाहरुको आर्थिक अवस्थाको सुधारका लागि सीप, उत्पादन र बजारीकरण गर्न आवश्यक छ । तवमात्र समाजमा सकारात्मक परिवर्तन आवश्यक छ । महिलाका मुद्धा र विषयमा महिलाहरुले नै आवाज उठाउन अझ आवश्यक छ ।