गैँडाकोटका २ जना युवामाथि चितवनमा खुकुरी प्रहार
![](https://vijayafm.org.np/uploads/news/images/5eb76643b395a_murder-2442018054142-1000x0-12024-02-08-03-29-07.jpeg)
गैँडाकोट । चितवनको रत्ननगर नगरपालिका–१० स्थित बकुल्लर चोकमा दुईजना युवालाई अज्ञात समूहले खुकुरी प्रहार गरेका छन् । बकुल्लर चोकमा रहेको लालटिन क्याफेमा खुकुरी प्रहारबाट दुईजना घाइते भएका छन् ।
घाइते हुनेमा नवलपुर गैँडाकोट घर भएका २५ वर्षीय सौगात सापकोटा र ३१ वर्षीय सुजन जिसी छन् । सौगातको टाउकोमा र सुजनको दुवै हातमा चोट लागेको इलाका प्रहरी कार्यालय टाँडिले बताएको छ । आक्रमणमा संलग्न आरोपीहरू फरार रहेका छन् ।
घाइतेहरूलाई उपचारका लागि एलाइभ अस्पताल भरतपुर रिफर गरिएको छ । घटनास्थलबाट प्रहरीले ब्रेजा कार बरामद गरेको छ ।