रास्वपाको एजेण्डा सुशासन र राजनैतिक अनुशासन – रास्वपा प्रवक्ता मनिष झा

नवलपरासी पूर्व ।  राष्ट्रिय स्वतन्त्र पाटीको एजेण्डा भनेकै सुशासन र राजनैतिक अनुशासन भएको रास्वपाका प्रवक्ता मनिष झाले बताउनुभएको छ । राष्ट्रिय स्वतन्त्र पार्टी गँैडाकोट वडा नम्बर १३ ले  शुभकामना आदानप्रदान तथा संगठन विस्तार कार्यक्रममा गैँडाकोट आएका प्रवक्ता झाले यस्तो बताउनुभएको हो । प्रवक्ता झाले भन्नुभयो “सबै प्रयास भइसक्यो तर एउटा काम गरिएन जुन काम गर्नको लागि रास्वपा आएको हो, त्यो भनेको सुशासन र राजनैतिक अनुशासन होे ।”

नेकपा एमालेलाई लक्षित गर्दै प्रवक्ता झाले भन्नुभयो “उहाँहरूले ऋषि गौतमको पद खोस्लान तर उहाँको आत्मसम्मान, आत्मशक्ति, राजनीति आचरण, सेवाको व्यवहार यी सबै भावना चाहिँ खोस्न सक्दैनन, त्यो नै हाम्रो ८४ को प्रतिबद्धता हो ।” केही समय अघि नेकपा एमाले गैँडाकोटले पार्टी अनुशसन विपरित काम गरेको भनि कार्वाही गरेका ऋषि गौतम राष्ट्रिय स्वतन्त्र पार्टीमा प्रवेश गरेका छन् । 

राष्ट्रिय स्वतन्त्र पार्र्टी गैडाकोट वडा नम्बर १३ ले कार्यक्रमको आयोजना गरेको कार्यक्रममा विभिन्न पाटी परित्याग गरी करिब २१० जना राष्ट्रिय स्वतन्त्र पाटीमा प्रवेश गरेको रास्वपा नेता करुणासागर सुवेदीले जानकारी दिए ।