भाद्र १४, नवलपरासी पूर्व । महेन्द्र स्मारक आधारभूत विद्यालयका प्रधानाध्यापक शिवराज काफ्लेको अध्यक्षतामा  नेपाल शिक्षक महासंघ  गैँडाकाेट नगर समिति गठन भएको छ । नेपाल शिक्षक महासंघको स्थापना पछि नेपाल शिक्षक महासंघ गैँडाकोट स्थानीय समिति गठन भएको पहिलो पटक हो । सर्वसम्मत रुपमा गठित नगर समितिको घोषणा एवं सपथ नेपाल शिक्षक महासंघ नवलपरासी(ब.सू.पूर्व)को आयोजनामा शनिवार घोषणा सभा मार्फत  गैँडाकोटमा गरिएको हो । 

त्यसैगरी समितिको सह अध्यक्षमा कालिका नमुना मा.विका शिक्षक ऋषिराम घिमिरे, उपाध्यक्षमा रत्नराज्य लक्ष्मी मा.विका टकनारायण राना, सचिवमा कालिका नमुना मा.विका गोविन्द उपाध्याय चालिसे, सह सचिवमा नारायणी मा.विका जगन्नाथ उपाध्याय, सह सचिवमा कालिका नमुना मा.विका होमनाथ शर्मा र जनक नमुना मा.विका तुलसीप्रसाद तिमिल्सिना तथा सदस्यहरुमा कल्पना काफ्ले, जानुका शर्मा, देवेन्द्र कोइराला, नरीमाया रानाभाट, मनिलाल महत्तो, यसोदा शर्मा, शिवप्रसाद लामिछाने, पदेन सदस्यमा सूर्यनाथ तिवारी र रोशन मल्ल ठकुरी चयन हुनुभएको छ ।

घोषणा सभाका प्रमुख अतिथि नेपाल शिक्षक महासंघ राष्ट्रिय समिति उपाध्यक्ष विक्रम झाले नेपाल शिक्षक महासंघको आव्हान भएको आन्दोलन र शिक्षकहरुको सक्रिय सहभागिताका कारण लामो समय पछि शिक्षा ऐन प्रतिनिधी सभामा पुगेकोमा शिक्षकका लागि गर्वको कुरा भएको बताउनुभयो । शिक्षकका धेरै माग समावेश भएको बताउँदै शिक्षकका मूल मुद्दा बालविकास सहजकर्ता, विद्यालय कर्मचारी, आवधिक र तहगत बढुवा, सरुवाको व्यवस्था माग समावेश नभएको र शिक्षकलाई स्थानीय तहमा राख्ने व्यवस्थामा असहमती लगायतका कारण नेपाली शिक्षकहरु फेरी एक पटक आन्दोलनमा जानुपरेको कुरा व्यक्त गर्नुभयो ।
सो सभामा नेपाल शिक्षक महासंघका जिल्ला अध्यक्ष चन्द्रदेव तिवारी, नेपाल शिक्षक संघ गण्डकी प्रदेश उपाध्यक्ष बिष्णुप्रसाद रिजाल, नेपाल राष्ट्रिय शिक्षक संगठन गण्डकी प्रदेश उपाध्यक्ष बलराम रानाभाट, गैँडाकोट नगरपालिका शिक्षा युवा तथा खेलकुद शाखा निमित्त प्रमुख रामप्रसाद अधिकारी, नेपाली काँग्रेस क्षेत्र नं १ सचिव अमृत श्रेष्ठ, नेपाल शिक्षक संघ जिल्ला अध्यक्ष इन्द्रराज भट्टराई, नेपाल राष्ट्रिय शिक्षक संगठन नवलपरासी जिल्ला अध्यक्ष टिकाराम डुम्रे, नेपाल शिक्षक महासंघ नवलपरासी पूर्वका सचिव गिरीराज गिरी, अखिल नेपाल शिक्षक संगठन प्रतिनिधी ऋषिराम घिमिरे, नेपाल राष्ट्रिय शिक्षक संगठन जिल्ला सचिव कल्पना भण्डारी कंडेल लगायतले शुभकामना मन्तव्य राख्नुभएको थियो ।

सो कार्यक्रममा नव निर्वाचित अध्यक्ष शिवराज काफ्लेले प्रतिवद्धता मन्तव्य र नेपाल शिक्षक संघ गैँडाकोट नगर अध्यक्ष सूर्यनाथ तिवारीले धन्यवाद मन्तव्य राख्नुभएको थियो । नेपाल राष्ट्रिय शिक्षक संगठन गैँडाकोट नगर अध्यक्ष रोशन मल्ल ठकुरीले स्वागत मन्तव्य राख्नुभएको थियो । 

नेपाल शिक्षक महासंघ नवलपरासी पूर्वका उपाध्यक्ष एवं नगर अधिवेशनका फोकल पर्सन हिमालदेव पंगेनीको अध्यक्षतामा सम्पन्न घोषणा सभा नेपाल शिक्षक संघ गैँडाकोट नगर सचिव मोहन भण्डारीले सहजीकरण गर्नुभएको थियो ।
नेपाल शिक्षक महासंघका नगर अध्यक्ष पालिका शिक्षा समितिको पदेन सदस्य रहने व्यवस्था रहेको छ ।