नारायणी नदीमा बेपत्ता भएका दिदीभाइको शव भेटियो

गैँडाकोट । नारायणी नदीमा डुबेर बेपत्ता भएका गैँडाकोटका एकैघरका दिदिभाईको शव आज (बुधबार) फेला परेको छ । गैँडाकोट नगरपालिका वडा नं. १ कुमालटोल बस्दै आएका १३ वर्षिया दिक्षा सेर्पुजा र ९ वर्षिया स्वपनील सेर्पुजा बृटिसक्यापस्थित नारायणी नदिमा डुवेर हिजोदेखि बेपत्ता भएका थिए ।

हिजो साँझ पौने ६ बजे हजुरआमासँगै बृटिसक्याम्प गएका दिदिभाई हजुरआमाको चप्पल नदीमा खसेपछि सोहि चप्पल समाउन भाइ नदीमा पसेको र भाइलाई बचाउन दिदी जाँदा दिदी पनि नदीमा डुबेकी थिइन् । हिजोदेखि बेपत्ता दिदीभाइको शसस्त्र प्रहरीको चितवनको कुरिनटारबाट आएको गोताखोरको टोलीले उनीहरु डुवेको स्थानको वरपरबाट शव भेटाएको प्रहरी वरिष्ठ नायब निरीक्षक सानुकाजी विष्टले जानकारी दिनुभयो । शवको पोष्टमाटमको लागी भरतपुर सरकारी हस्पिटल लगिएको विष्टले बताउनुभयो । 

दिक्षा र स्वपनील स्थानीय नेपाल राष्ट्रिय शमशेर आर्दश माध्यामिक विद्यालयमा कक्षा ७ र कक्षा ४ को बार्षिक परिक्षा दिएर नतिजाको पर्खाईमा थिए ।