गैंडाकोट जेसीजको १८ औं पदस्थापन तथा पद हस्तान्तरण कार्यक्रम शनिबार हुने

गैंडाकोट जेसीजकोको १८ औं पदस्थापन तथा पद हस्तान्तरण कार्यक्रम शनिबार ( पौष २७) हुने भएको छ । एक ब्यक्ति,एक पद र एक कार्यकाल रहने जेसीजमा शनिबार हुने पदस्थापन कार्यक्रमबाट वर्ष २०२५ को लागि वर्ष २०२४ का अध्यक्ष राजेश पौडेलले वर्ष २०२५ का अध्यक्षलाई पद हस्तान्तरण गर्नुहुनेछ ।

पद हस्तान्तरणको कार्यक्रममा सहभागीको लागि पत्राचारको कार्य लगायतका कार्यहरु तिव्र पारिएको कार्यक्रम संयोजक तथा वर्ष २०२५ का कार्यकारिणी उपाध्यक्ष अजय पौडेलले जानकारी दिनुभयो । कार्यक्रम पौष २७ गते शनिबार बिहान ११ बजे गैंडाकोट रिसोर्टमा  हुने र कार्यक्रममा प्रमुख अतिथिको रुपमा नवलपरासी (बसुपु) क्षेत्र नम्बर १ का प्रतिनिधिसभा सदस्य शशांक कोइराला आउनुहुने कार्यक्रम संयोजक पौडेलले जानकारी दिनुभयो ।