नेराश स्वर्ण महोत्सव अन्तर्गत शुक्रबार अन्तरमावि हाजिरीजवाफ प्रतियोगिता हुने । 

नवलपरासी पूर्व । गैँडाकोट वाड नं. १ मा रहेको श्रीनेपाल राष्ट्रिय शमसेर आदर्श माध्यामिक विद्यालयले स्वर्ण महोत्सवको अवसरमा शुक्रबार हाजिरी जवाफ प्रतियोगिताको आयोजना गरेको छ । नगरस्तरीय अन्तरमावि हाजिरी जवाफ प्रतियोगितामा २२ वटा विद्यालयको सहभागिता रहने छ । विहान ११ बजेबाट प्रतियोगिताको आयोजना गरिने विद्यालयका प्रधानाध्यापक इन्द्रराज भट्राईले जानकारी दिनुभएको छ । स्वर्ण महोत्सवका कार्यक्रम अन्तर्गत पौष ९ साइनिङ स्टार नेराश, पौष १० गते महिला समूह हाजिरी जवाफ लगायतका विभिन्न कार्यक्रमको आयोजना गरिएको छ ।  पौष १६ गते विद्यालयले स्वर्ण महोत्सव समारोहको भव्य कार्यक्रम आयोजना गरिएको विद्यालयका अध्यक्ष कविराज आचार्यले जानकारी दिनुभएको छ ।