अन्तर विद्यालय शिक्षक फुटसल प्रतियोगितामा रत्नराज्य लक्ष्मी मा.वि. विजयी 

गैंडाकोट नगरपालिका नगर शिक्षा युवा, खेलकुद शाखाको आयोजनामा भएको अन्तर विद्यालयस्तरिय शिक्षक फुटसल प्रतियोगितामा रत्नराज्य लक्ष्मी मा.वि. विजयी भएको छ । रत्नराज्य लक्ष्मी मा.वि.ले विजय सामुदायिक शिक्षा सदनलाई ३–१ गोल अन्तरले पराजीत गरेको हो । 

विजय सामुदायिक शिक्षा सदन गैंडाकोट ५ले भने द्धितिय स्थान हासिल गरेको छ । पहिलो सेमीफाइनलमा रत्नराज्यले बाल विकास इङ्गलिस बोडिङ्ग स्कुललाई र बिजय सामुदायिक शिक्षा सदनले जनक नमुना माध्यामिक विद्यालयलाई हराएर फाइनलमा पुगेको थियो ।

शिक्षकहरुले पढाउने कामलाई अझ सहयोग पुग्ने र स्वस्थ एवम् एकताको भवना जागृत हुने हुँदा र यस किसिमको फुटसल प्रतियोगिता गर्नाले स्कुलहरुमा फुटसल खेलको बिकासमा सहयोग पुग्ने गैंडाकोट खेलकुद समिति अध्यक्ष एवम् नवलपुर जिल्ला फुटबल सघ महासचिव लक्ष्मण कार्कीले बताउनुभयो । 

कार्यक्रममा नगर शिक्षा अधिकृत राम प्रसाद अधिकारी, जनक नमुना माध्यामिक बिध्यालय ब्याबस्थापन समितिका अध्यक्ष केशव सापकोटा, प्रधानाध्यापक चुडामणि शर्मा कडेल, विकास सामुदायिक शिक्षा सहकारी संस्था अध्यक्ष परमेस आचार्य, सचिव बिरभद्र सापकोटा, निवर्तमान अध्यक्ष खेमराज सापकोटा, पुर्व अध्यक्ष टिकाराम कडेल प्रधानाध्यापक चक्रधर पौडेल, बालविकास बोडिङ्ग प्रिन्सिपल दिपक रावत, रत्नराज्य माध्यामिक बिध्यालयका नवराज महतो लगायतको उपस्थिति रहेको थियो।

पुरस्कार बितरण राष्टपति रनिङ शिल्ड प्रतियोगिताको उद्दघाटन समारोह वितरण गर्ने जानकारी शिक्षा अधिकृत राम प्रसाद अधिकारीेले जानकारी दिनुभयो । उक्त कार्यक्रममा संस्थागत र सरकारी गरि गैंडाकोट नगरपालिकाको २० विद्यालयको सहभागिता रहेको थियो ।