कोटेश्वर मन्दिरको १९ औं साधारण सभा सम्पन्न

गैंडाकोट । कोटेश्वर मन्दिर शिवालय सेवा समिति गैंडाकोट ४ ले शनिबार १९ औं साधारण सभा सम्पन्न गरेको छ । कार्यक्रममा  गैंडाकोट नगरपालिकाका नगर प्रमुख मदनभक्त अधिकारीको प्रमुख आथित्यता र शिवालय सेवा समितिका अध्यक्ष कृष्णप्रसाद पराजुलीको सभापतित्व रहेको थियो । 

कार्यक्रममा गैँडाकोट नगर प्रमुख मदनभक्त अधिकारीले धार्मिक विश्वास र सामाजिक एकता कायम गर्दै अगाडी बढ्नुपर्ने बताउनुभयो । 

कार्यक्रममा सहसचिव राधाभुसाल भण्डारीले आर्थिक प्रतिवेदन प्रस्तुत गर्दै आ.व. २०८०÷०८१ को कुल बजेट २६ लाख १२ हजार ८ सय ९८  रहेको बताउनुभयो ।

लेखा प्रतिवेदन लेखा संयोजक अमृतकान्त पण्डितले प्रस्तुत गर्नुभएको थियोे भने सचिवको प्रतिवेदन सचिव बामदेव घिमिरेले प्रस्तुत गर्नुभएको थियो । 

कार्यक्रममा वडा नं ४ का वडाध्यक्ष तेज प्रसाद घिमिरे, आजिवन सदस्य शरदचन्द्र पण्डित , समाज सेवी संगिता काफ्ले घिमिरे, हनुमान मन्दिरका अध्यक्ष टिकाराम सापकोटा, पूर्व अध्यक्ष  तथा सल्लाहकार नारायण प्रसाद पण्डित, सत्संग समिति जिल्ला अध्यक्ष डाक्टर नारायण प्रसाद गौतम, सदस्यहरु लक्ष्मीशरण घिमिरे , ईश्वरीनाथ रिमाल  र टोलनाथ घिमिरे लगायतले सफलताको शुभकामना दिनुभएको थियो ।

 
कोटेश्वर मन्दिरका सदस्य ओमनाथ पोखरेलले स्वागत मन्तव्य राख्नुभएको कार्यक्रमको सचिव बामदेव घिमिरेले सहजीकरण गर्नुभएको थियो ।  

कार्यक्रममा लक्ष्मी शरण घिमिरे, डा. नारायणप्रसाद गौतम, सल्लाहकार नारायण प्रसाद पण्डित र मुक्तिनाथ काप्री प्रेमकला भट्टराई , जेष्ठ नागरिक नगर अध्यक्ष मुक्तिनाथ न्यौपाने , व्यास गुरु हरिप्रसाद ढुंगाना, हनुमान मन्दिरका अध्यक्ष टिकाराम सापकोटा, कानुनी सल्लाहकार जनकराज ढुंगाना, समाजसेवी संगिता काफ्ले घिमिरे, जनप्रतिनिधिहरु टोलसंजाल अध्यक्ष रामचन्द्र घिमिरे तथा आजिवन सदस्यहरु समेतको उपस्थिति रहेको थियो ।

कार्यक्रममा चन्दादाता, आजिवन सदस्यहरुलाई प्रमाणपत्रसहित सम्मान गरिएको थियो ।