अस्पतालले परिवारलाई जिम्मा लगायो सविनको शव

काठमाडौं । तीनकुनेमा भएको प्रदर्शनमा मृत्यु भएका कीर्तिपुरका सविन महर्जनको शव परिवारको जिम्मा लगाइएको छ । त्रिवि शिक्षण अस्पतालले सविनको शवको आजै पोस्टमार्टम गरी परिवारको जिम्मा लगाएको हो ।

पोस्टमार्टमको क्रममा उनको शरीरमा एक गोली लागेको खुलेको छ । प्रहरी स्रोतका अनुसार उनको दायाँ हातको कुहिने नजिकको भागबाट कोख हुँदै ढाडबाट गोली निस्केको पाइएको छ ।

१५ चैतमा राजावादीहरुले गरेको आन्दोलनका क्रममा गोली लागेर महर्जनको मृत्यु भएको थियो । पोस्टमार्टमपछि उनको शव आजै पशुपति आर्यघाटमा दाहसंस्कार गर्ने तयारी गरिएको छ ।