गैँडाकोट ४ मा ३ दिने कानुनी साक्षरता तथा जीवनपर्यन्त शिक्षा तालिम सम्पन्न

गैँडाकोट । वडा महिला सञ्जाल गैँडाकोट ४ को आयोजनामा भएको ३ दिने कानुनी साक्षरता तथा जीवनपर्यन्त शिक्षा तालिम सम्पन्न भएको छ । गैँडाकोट ४ को सहयोगमा वडा कार्यालयको सभाहलमा तालिम भएको थियो । 

महिलाहरुलाई कानुनी ज्ञानको आवश्यकता महसुस गरि यस कार्यक्रम राखिएको वडा महिला सञ्जाल गैँडाकोट ४ का अध्यक्ष अनिता काफ्ले घिमिरेले बताउनुभयो । उहाँले कानुनी कुराको ज्ञानको बोल्न सँगै समाजका बिभिन्न क्षेत्रमा रहेर काम गर्न पनि सहज हुने बताउनुभयो । साथै उहाँले भइरहेका घटना र परिस्थीतिलाई बुझ्न सक्ने र आकलन गर्न सक्ने क्षमता पनि विकास हुने बताउनुभयो । 

कार्यक्रममा गैँडाकोट ४ का वडाध्यक्ष तेजप्रसाद घिमिरेले वडाको विकासका लागि पूर्वाधार सँगै अन्य कुरालाई सँगसँगै अगाडी बढाएको बताउनुभयो । उहाँले समाज फरक अपेक्षाका साथ अगाडी बढेकाले सबै क्षेत्रलाई सम्बोधन गर्दै अगाडी बढ्ने बताउँदै ३ दिनको बसाई फलदायि भएको बताउनुभयो । 

३ दिने कानुनी साक्षरता तथा जीवनपर्यन्त शिक्षा तालिमको प्रशिक्षकमा अधिबक्ताहरु फुलमाया रानाभाट, जनकराज ढुङ्गाना र दिपक सुबेदी रहनुभएको थियो । 

कार्यक्रममा कार्यपालिका सदस्य शान्ता घर्ती, गैँडाकोट ४ का वडा सदस्यहरु हरि पौडेल, इन्दुकला घिमिरे, धनमाया परियार, नगरपालिका महिला तथा बालबालिका शाखा प्रमुख सिता लामिछाने पौडेल समाजसेवीहरु टोलनाथ घिमिरे, संगिता काफ्ले घिमिरे, कमला तिवारी, दिनेश न्यौपाने, विभिन्न राजनितिक दलका प्रतिनिधिले तालिम राम्रो रहेको बताउदैँ महिला दिदि बैनीले आफुलाई आर्थिक रुपमा आत्मनिर्भर हुन र सानो सानो काम गरेर अगाडी बढ्न सुझाव दिनुभयो । 

कार्यक्रमको सञ्चालन वडा महिला सञ्जाल गैँडाकोट ४ का सचिव शोभा घिमिरेले गर्नुभएको थियो । स्वागत मन्तव्य उपाध्यक्ष माया कँडेल घिमिरेले राख्नुभएको हो ।