साईकल दुर्घटनामा एक महिलाको मृत्यु

नवलपुर । नवलपरासी(पूर्व) मध्यबिन्दु नगरपालिका ४ मदनपुर स्थित भित्रि सडकखण्डमा आज भएको साईकल दुर्घटनमा एक महिलाको मृत्यु भएको छ । दुर्घटनामा मध्यबिन्दु ४ मदनपुर बस्ने ४८ वर्षिया राम कुमारी महतोको मृत्यु भएको प्रहरीेले जनाएको छ । 

मदनपुरबाट सेहरीतर्फ जाँदै गर्दा महतोले चलाएको साईकल नियन्त्रण गुमाई सडकमा पल्टिएको जनाइएको छ । दुर्घटनामा परी उनको घाँटीमा चोट लागेको प्रहरीले जनाएको छ ।

घाईते महतोको मध्यबिन्दु नगर अस्पताल चोरमारामा सामान्य उपचार पश्चात थप उपचारको लागि मध्यबिन्दु जिल्ला अस्पताल डण्डा पठाइएकोमा उपचारको क्रममा २ बजेर २२ मिनेटमा मृत्यु भएको अस्पताललाई उदृत गर्दै प्रहरीले जनाएको छ ।

घटनाका विषयमा थप अनुसन्धान कार्य भईरहेको जिल्ला प्रहरी कार्यालय, नवलपरासी(पूर्व)का सूचना अधिकारी प्रहरी नायव उपरीक्षक बेद बहादुर पौडेलले जानकारी दिनुभयो ।