पौडी खेल्ने क्रममा खोलामा डुबेर बालकको मृत्यु
कावासोती । कावासोतीमा बाणखोलामा डुवेर एक बालकको ज्यान गएको छ ।
कावासोती नगरपालिका वडा नं. १५ बाण खोलामा पौडी खेल्ने क्रममा तनँहुको घिरिङ गाउपालिका वडा नं. २ स्थायी घर भएका १६ वर्षका किशोर रविन रानाको मृत्यु भएको हो ।
जिल्ला प्रहरी कार्यालय नवलपुरका निमित्त सूचना अधिकारी, प्रहरी निरीक्षक कमल परियारका अनुसार राना जनता मावि त्रिभुवनटारमा कक्षा १० मा अध्ययनरत विद्यार्थी हुन् ।
साथीहरुसँगै पौडी खेल्ने क्रममा खोलामा डुवेका रानाको आज दिउसो साढे २ वजे प्रहरी र स्थानीयले निकालेका थिए ।
अन्य अनुसन्धान भईरहेको छ । गर्मी सिजन सुरु भएसँगै खोला तथा नदीहरुमा पौडी खेल्न जाँदा दुर्घटनाहरु भएका खबरहरु सार्वजनिक भएका छन् ।